ប្រែសម្រួល៖ សហការី
អ្នកជំនាញកីឡា Fox Sports Chris Fallica បានចោទប្រកាន់លោក Donald Trump ថា “លុតជង្គង់” ចំពោះរុស្ស៊ី និងលោក Vladimir Putin ក្នុងការវាយប្រហារដ៏គួរឱ្យភ្ញាក់ផ្អើលមួយលើប្រធានាធិបតីសហរដ្ឋអាមេរិក។

ក្នុងសកម្មភាពដ៏គួរឱ្យចាប់អារម្មណ៍កាលពីថ្ងៃចន្ទ សហរដ្ឋអាមេរិកបានបែកចេញពីសម្ព័ន្ធមិត្តអឺរ៉ុបរបស់ខ្លួន ដោយបដិសេធមិនស្តីបន្ទោសរុស្ស៊ីចំពោះការវាយលុករបស់ប្រទេសនេះទៅលើអ៊ុយក្រែន ក្នុងការបោះឆ្នោតលើសេចក្តីសម្រេចចិត្តរបស់អង្គការសហប្រជាជាតិចំនួនបីដែលស្វែងរកដំណោះស្រាយបញ្ចប់ជម្លោះ។

ផ្ទុយទៅវិញ សហរដ្ឋអាមេរិកបានចូលរួមជាមួយរុស្ស៊ីក្នុងការបោះឆ្នោតប្រឆាំងនឹងសេចក្តីសម្រេចចិត្តរបស់អ៊ុយក្រែនដែលរិះគន់ការឈ្លានពានរបស់ទីក្រុងមូស្គូ និងទាមទារឱ្យដកកងទ័ពរុស្ស៊ីចេញជាបន្ទាន់។

ក្រោយពីដំណឹងនេះ លោក Fallica ដែលត្រូវបានគេស្គាល់ថាជា “The Bear” បានថ្កោលទោសលោក Trump ក្នុងការប្រកាសមួយលើបណ្តាញសង្គម។

អ្នកជំនាញការភ្នាល់នៃ Fox Sports បានប្រៀបធៀបជំហររបស់អាមេរិកនាពេលបច្ចុប្បន្នទៅនឹងសម័យសង្រ្គាមត្រជាក់ ដោយសរសេរថា៖ “ការលុតជង្គង់ចំពោះលោក Putin និងរុស្ស៊ី គឺជាការប្រែប្រួលយ៉ាងធំ 180 ដឺក្រេ។

“សូមស្រមៃមើលប្រសិនបើប្រាប់លោក Reagan និងគណបក្សសាធារណរដ្ឋនៅសម័យនោះអំពីរឿងនេះ” លោកបានបន្ថែមក្នុងការវាយប្រហារដ៏កម្ររបស់និយោជិតស្ថានីយ Fox។

បើទោះជាមានការរិះគន់ពីលោក Trump ដែលធ្លាប់អះអាងថា “Fox News បានបាត់បង់ផ្លូវរបស់ខ្លួនទាំងស្រុង” បណ្តាញផ្សព្វផ្សាយនេះតាមធម្មតាបានគាំទ្រប្រធានាធិបតីមកពីគណបក្សសាធារណរដ្ឋរូបនេះ។

Fox News និង Fox Sports គឺជាកម្មសិទ្ធិរបស់គ្រួសារ Murdoch។ ទោះយ៉ាងណា ពួកគេគឺជាផ្នែកបច្ចេកទេសដាច់ដោយឡែកពីគ្នានៃចក្រវាឡផ្សព្វផ្សាយ។

លោក Fallica ដែលធ្លាប់បានធ្វើការអត្ថាធិប្បាយលើប្រធានបទនយោបាយពីមុន បានចូលរួមជាមួយ Fox ពីក្រុមហ៊ុន ESPN កាលពីឆ្នាំ 2023។ លោកបានឈ្នះពានរង្វាន់ Sports Emmy ជាច្រើន។

ក្នុងពេលជាមួយគ្នានេះ លោក Trump បានក្លាយជាចំណុចចាប់អារម្មណ៍ក្នុងវិស័យកីឡាម្តងទៀតនៅថ្ងៃចន្ទ បន្ទាប់ពីមានរឿងចេញមកថា ក្រុម Philadelphia Eagles មានគម្រោងទៅសួរសុខទុក្ខនៅសេតវិមានដើម្បីអបអរការឈ្នះ Super Bowl លើកទីពីររបស់ពួកគេ ប្រសិនបើក្រុមទទួលបានការអញ្ជើញ។

ទាំងបណ្តាញ NFL និង ESPN បានរាយការណ៍ថា ក្រុម Eagles នឹងមាន “កិត្តិយស” ក្នុងការទៅសួរសុខទុក្ខនៅសេតវិមានរបស់លោក Trump។

មានការពិភាក្សាថាក្រុមនឹងរំលងការជួបជាមួយប្រធានាធិបតី Trump។ ក្រុម Eagles មិនបានទៅសេតវិមានរបស់លោក Trump បន្ទាប់ពីឈ្នះពាន Lombardi Trophy លើកដំបូងរបស់ពួកគេក្នុងឆ្នាំ 2018។

ឆ្លើយតបទៅនឹងការឮថា មានអ្នកលេងធ្វើពហិការ លោក Trump បានដកការអញ្ជើញក្រុមពីទំនៀមទម្លាប់នៃការទៅសួរសុខទុក្ខនៅសេតវិមាន៕
DailyMail.com បានទាក់ទងទៅ Fox Sports ដើម្បីសុំការអត្ថាធិប្បាយ